2012 жылдың 22-28 қазан аралығында Шымкент қаласында Қазақстан Республикасының Президенті Н.Ә.Назарбаевтың жүлдесі үшін XV халықаралық жарыс өтті. Бұл сайысқа Қазақстанмен қатар Қырғызстан, Қытай, Монғолия, Өзбекстан, Түркменстан, Түркия мемлекеттерінің ең таңдаулы спортшылары қатысты.
Ерлер және қыздар арасындағы бас жүлдеге автокөлік тігілген жарысымыз тартысты өтті. Еліміздің 3 дүркін чемпионы, былтырғы жылғы осы жарыстың жеңімпазы Ғалымжан Темірбаев өз мықтылығын тағы бір мәрте дәлелдеді. Жүлделі орындарға күтпеген жерден бішкектік шебер Қасымов Қамшыбек пен шымкенттік Момбеков Ербол табан тіреді. Бұл ардагер ойыншылар жақсы дайындығымен жастарды қапыда қалдырды.
Нағыз тартысты бәсекелер қыздар арасында өтті. Алма-кезек лидерлар ауысқанымен, жарыс соңында екі дүркін әлем чемпионы қызылордалық Далиева Әсел бас жүлдені жеңіп алды. 2- және 3-орындарға ақтөбелік Кенина Диана мен керекулік Раимбекова Роза көтерілді.
Жарыс нәтижесі төмендегідей:
ерлер 1-орын: Ғалымжан Темірбаев – 8 ұпай (Оңт.Қаз.Обл.)
2-орын: Қасымов Қамшыбек – 7,5 ұпай (Бішкек)
3-орын: Момбеков Ербол – 7 ұпай (Оңт.Қаз.Обл.)
қыздар 1-орын: Далиева Әсел – 7,5 ұпай (Қызылорда)
2-орын: Кенина Диана – 7 ұпай (Ақтөбе)
3-орын: Раимбекова Роза – 6,5 ұпай (Павлодар)
Дәстүр бойынша, жаңа рейтингке көз салуды ұмытпаңыздар, АҒАЙЫН!
Ақтау қаласының 50 жылдығы және Маңғыстау облысының 40 жылдығы қарсаңында аймағымызда Маңғыстау облыстық Тоғызқұмалақ Федерациясы құрылды.
