Тоғызқұмалақтан Қазақстан Республикасының әйелдер арасындағы командалық чемпионатының есебі
Қатысушы командалар: Астана қаласы, Маңғыстау облысы, Оңтүстік Қазақстан облысы, Шығыс Қазақстан облысы, Павлодар облысы, Жамбыл облысы, Ақтөбе облысы, Қызылорда облысы, Батыс Қазақстан облысы, Қостанай облысы.
Спортшылар саны: 57.Оның ішінде, ХДСШ-4, СШ-12, СШҮ-32, І дәрежелі-9.
Жарыстың ашылу салтанаты 2015 жылғы 12 мамырда өтті. Оған Қостанай облысы әкімдігінің Дене шынықтыру және спорт басқармасы басшысы орынбасары Вильямс Евгений Борисович,Қазақстан Республикасының тоғызқұмалақтан мемлекеттік жаттықтырушысы, Қазақстан Республикасының Еңбек сіңірген жаттықтырушысы Қапаев Дастан Исатайұлы, тоғызқұмалақ спортының ардагері Поляков Дмитрий Степанович қатысып, спортшыларға сәттілік тіледі. Жарысқа қатысушыларға арнап шағын концерт берілді. Жарыстың бас төрешісі Мамиев Нұрлан Бекентайұлы жарыс бағдарламасымен таныстырғаннан кейін жарыс басталып кетті.
Жарыс нәтижесі:
І орын - Қызылорда облысы,
ІІ орын - Ақтөбе облысы,
ІІІ орын - Қостанай облысы.
Қызылорда облысы құрамындағы 4 ойынщы спорт шебері атағына ие болды - Кенжебекова Ақерке, Махамбетамин Ұлдана, Әбілдә Қызжібек, Маханова Нұрсұлу.
Жарыс жеңімпаздары мен жүлдегерлері кубоктармен, дипломдармен және медальдармен марапатталды.
Ақтау қаласының 50 жылдығы және Маңғыстау облысының 40 жылдығы қарсаңында аймағымызда Маңғыстау облыстық Тоғызқұмалақ Федерациясы құрылды.
