Тоғызқұмалақтан 2019 жылдың 26 сәуір - 04 мамыр аралығындаТүркияның Анталия қаласында өтіп жатқан V Əлем чемпионаты бағдарламасындағы классика және блиц түрін .....
2011 жылдың 18-23 шілде күндері аралығында Чехияның Пардубице қаласында ХХІІ зияткерлік ойындар фестивалінің бағдарламасы аясында Еуропаның тоғызқұмалақтан әуесқой спортшылары арасында құрлық бәсекесі өтті. Оның финалдық жарысында 5 елден 6 спортшы қатысып, айналма жүйесімен 5 ойында өткізілді. Бұл бәсекеде Германия өкілі – Юрий Нольд барлық қарсыластарын айқын басымдықпен ұтып, Еуропа жеңімпазы атанды. Екінші және үшінші орын чех спортшылары Жденек Цах пен Хана Котиноваға бұйырды.
Жарыстың демеушілері жеңімпаздар мен жүлдегерлеріне арнайы диплом, медаль және бағалы сыйлықтар тапсырды. Жарыс туралы мәліметтерді www.czechopen.net – сайтынан көруге болады.
22 шілде күні Пардубицеде тоғызқұмалақты дамыту мен үйрету жайлы семинар өткізіліп, онда 2012 жылы осы қалада өтетін әлем чемпионаты жайлы мәселелер талқыланды. Ұйымдастыру алқасы бұл чемпионаттың да жоғары деңгейде өтетіне сенім білдірді. Сонымен 2012 жылы тоғызқұмалақтан ІІ Әлем чемпионаты Чехияның Пардубице қаласында 14-20 шілде аралығында өткізілетін болды.
Матылов Сайлан Арматұлы, 1992 жылы 12 қыркүйекте Батыс Қазақстан облысы, Сырым ауданы, Жетікөл ауылында дүниеге келді. 12 жасынан бастап Әсет Шагиров пен Дәулет Әбдікәрімов сияқты білікті бапкерлердің қол астында жаттығып келеді.
Спорттық жетістіктері:
ҚР жекелей чемпионаты, 1-орын (Павлодар-2012)
ҚР 3 дүркін жастар чемпионы (Алматы-2008, Орал-2009, Алматы-2010)
ҚР Кубогі, 1-орын (Көкшетау-2010)
ҚР ІІ жастар ойыны, 1-орын (Тараз-2009)
ҚР оқушылар спартакиадасы, 1-орын (Тараз-2008)
ҚР ІV Халық Ойындары, 2-орын (Орал-2010)
ҚР жасөспірімдер чемпионаты, 2-орын (Тараз-2006)
ҚР жастар чемпионаты, 3-орын (Орал-2011, Шымкент-2012)
Әрине, 2012 жылдың 21-сәуірі Сайланның есінде мәңгі қалары сөзсіз. Соңғы турда керекулік шебер Мерешев Ернұрдан басым түсіп, тұңғыш рет ересектер арасында жеңімпаз атанды. Сонымен бірге, Әлем Чемпионатына жолдама алды. Осы дүбірлі додадан не күтесің деген сауалға: «тамаша ойын көрсетіп, Отанымның көк туын желбіретсем, әнұранын асқақтатсам» деген арманы бар екенін жеткізді.
Сайланның сөзіне сенсек: «Чемпион болу – әр адамның қолынан келетін іс. Алдыңа биік мақсат қойып, аянбай еңбек етсең, үлкен жарыста топ жару көп күттірмейді. Шыдамдылық түбінде жеңіске жеткізеді.»
Жарыстарға бірге шығып, бірге дайындалып жүрген командаластарына, әсіресе, сенім артқан бапкері Дәулет Әбдікәрімовке айтар алғысы шексіз.
Баршамызды өз ойынымен тәнті қылған Сайланға тілеріміз:
«Талабыңа нұр жаусын! Бар күшіңді салып, әлемді бағындыр!»
